Главная > О монастыре > Новости обители > Канун празднования в честь преподобных Ионы и Вассы Псково-Печерских

Новости обители

10 октября 2023 г.

Канун празднования в честь преподобных Ионы и Вассы Псково-Печерских

Преподобной Вассе Псково-Печерской

Тропарь, глас 4

Днесь вернии преславно ликовствуем/ память преподобныя Вассы совершающе,/ и раце мощей ея умильно покланяющеся/ со слезами и любовию вопием ей:/ буди ходатаице наша пред Богом,/ огради молитвами твоими обитель и град наш,/ в скорбех и печалех нам буди утешительница/ ты бо еси крепость верным // и обители Псково-Печерския украшение.

Кондак, глас 4

Память преподобныя Вассы совершающе/ благодарственне воспоминаем многотрудные подвиги,/ естество бо женское отвергше/ со супружником твоим устремися ко монашескому житию,// да нетленными венцы венчает тя Христос.

Преподобному Ионе Псково-Печерскому

Тропарь, глас 8

Яко светильник явися всесветлый в вертепе Царицы Богоматере/ преподобне отче наш Ионо,/ ты бо крест Христов на рамо взем усердно тому последовав/ и чистотою Богови приближився,/ отонудуже силами чудес обогатися,/ тем и мы любезно прибегаем к тебе и умильно глаголем// о преподобне, моли Христа Бога спастися душам нашим.

Кондак, глас 2

Чистотою душевною божественно вооружився/ и непрестанныя молитвы, яко копие, вручив крепко,/ пробол еси бесовская ополчения/ Иона отче наш,// моли непрестанно о всех нас.

Величание
Ублажаем вас/ преподобнии Ионо и Вассо/ и чтим святую память вашу,/ вы бо молите за нас// Христа Бога нашего.